На 11.04.2019 год. во организација на АЦТ! во хотел Kвинс беше одржано уште едно советување наменето за договорните органи на тема „Спецификите на новиот Закон за јавните набавки и насоки за негова правилна примена“. Над 80 претставници на договорните органи имаа можност да се запознаат со новините и подобрувањата на целокупниот систем за јавни набавки во чекор со европската регулатива, добијат одговори, разменат мислењa и дискусија со лица вклучени во процесот на изготвување на новиот Закон за јавни набавки и подетално да се запознаат со новите алатките што ги нуди Електронскиот систем за јавни набавки.

Поконкретните теми на советувањето беа:

• Измени во опфатот, дефинициите и правилата за јавни набавки во класичниот јавен сектор и во секторските дејности
• Нови вредносни прагови и нови правила и постапки за доделување на договорите за јавни набавки
• Новини кај критериумите за квалитативен избор на економските оператори и докажувањето на способноста
• Критериуми за избор на најповолна понуда
• Зголемена транспарентност: заштита на податоци, увид во понудите на конкурентите/понудувачи, објава на договорите за јавни набавки
• Задолжителна објава на Плановите за јавни набавки на ЕСЈН – нова алатка е-План
• Концепт на е-Пазар и набавки од мала вредност и можности за користење на е-каталози
• Имплементација на е-Жалба и новини во жалбената постапка
• Новата управна контрола

Советувањето го карактеризираше високо интерактивно ниво со дискусии и примери за тоа што нѐ очекува со новиот Закон за јавните набавки. На ова советување учесниците имаа можност да бидат запознаени со најважните измени како во регулативата, така и на ЕСЈН и да ги чујат објаснувањата за потребата од нивното воведување од лицата вклучени во процесот на подготовка на новиот Закон за јавни набавки, долгогодишни експерти во област на јавните набавки, и тоа:

• м-р Горан Давидовски - Помошник раководител на сектор за следење на системот за јавни набавки и управување со ЕСЈН во Бирото за јавни набавки и 
• м-р Марија Јованоска - Раководител на сектор за следење на системот за јавни набавки и управување со ЕСЈН во Бирото за јавни набавки и ЕУ/УНДП/ЦИПС сертифициран обучувач